'पेला' अर्धा भरला.... अर्धा रिकामा होता !!(गझल)

जगण्याचा अट्टाहास मोठा दिवाणा होता...
'पेला' अर्धा भरला.... अर्धा रिकामा होता !!


काय देवू उत्तरे, तुझ्या गुलाबी पत्रांची...
’सिल-बंद’ आयुष्य हे.... कोरा लिफ़ाफ़ा होता !!


नितीमुल्ये कधीची बासणात बांधलेली...
मुखवट्यांच्या राज्यात...सारा दिखावा होता !!


दाही दिशा भरकटे, अस्थिर मनाचा तांडा ...
प्राजक्त आठवांचा....थोडा विसावा होता !!


स्वर्गातच बांधतात म्हणे गाठी लग्नाच्या...
पदरी पडला माझ्या...जळता निखारा होता !!


वारसा हक्कच जणू! ’राजपद’ श्रीमंतांचे....
कायदा मात्र येथे....गरीब बिचारा होता !!


भिक नको मागू ’प्रिया’ ख-या न्याय-निवाड्याची...
केल्या पाप-पुण्यांचा...’वरती’ लिखावा होता !!

I'm reading: 'पेला' अर्धा भरला.... अर्धा रिकामा होता !!(गझल)