Problems of deforestation

I'm reading: Problems of deforestation

"वेडीच आहेस तू"!!

"वेडीच आहेस
तुला कसं गं काहीच कळत नाही ....

येथे जाळणारे बरेच आहेत
पण कोणीच स्वतः जळत नाही !!!

ज्याचा घाव न् घाव,
ठेवला आहेस काळजात जपून

त्याचा मात्र तुझ्यासाठी
एकही अश्रू ढळत नाही ...


वेडीच आहेस
तुला कसं गं काहीच ठाऊक नाही ??

हे जगच पारध्यांचे
येथे कोणीच भाऊक नाही !!!!

समजून घ्यावी कोणी
तुझ्या काळजातली कळ ?

तुझ्या सारखी कोणाचीही
वेदना घाऊक नाही !!

वेडीच आहेस
कशी गं त्याला 'विसरत' म्हणून नाही

अजूनही त्याच्या शिवाय
दुसरी 'हसरत' म्हणून नाही ...

एकांतात आसवांशी
सारखं हितगूज करतेस म्हणे !

लोकांसमोर मात्र
अश्रुंचा तोल घसरत म्हणून नाही !!


वेडीच आहेस
अजूनही स्वतःलाच दोष देते .

रेशीम वेळी मनाला
आठवांचा कोष देते !!

साळसूद पणे निघून जाणार्याची
अडचण असेन काही .....

असे समजून
घटके पुरता मनास तोष देते !!!

वेडीच आहेस
आता तरी उघड्या डोळ्यांनी जग बघ ...

आयुष्या वर ओढवून घेतलेले
विरहाचे ढग बघ !!!

तू ही सगळ्यांं सारखी
'Practical' होऊ शकतेस ...

एकदा तरी तुझ्यामधली
आजमावून रग बघ !!!

एकदा तरी तुझ्यामधली
आजमावून रग बघ !!!

I'm reading: "वेडीच आहेस तू"!!

"विभोर"

तू पालखीत आता ...... अंधार या नभात .....

ही सांजवेळ माझी ....... हुंकार या उरात !


का आसवांत राणी शिवार आज माझे ?

का साहतोच आहे मी वार काळजात ??


त्या पावलांत मेंदी झंकार पैजणांचे

नि चांदरात आहे केदार अंतरात ...!!


ही वंचनाच साथी अंदाज ना कुणाला

तुझ्याविणा असा मी विभोर वादळात !!!"

I'm reading: "विभोर"

"दूर पाऊस कोसळून गेला"

****
"दूर पाऊस कोसळून गेला

दवांना ललाटी तुझ्या आसरा ...!!

काळ्या विवरात विरले मेघ
सुर्य ढळता कुणाचे वेध ?
ऊर आतुन पोखरुन गेला .....
दवांना ललाटी तुझ्या आसरा !!

दूर पाऊस कोसळून गेला !!!

निळ्या अंबराला कळेना कधी
धुंद पवना कळेना ही भाषा ..
सूर शोधून सुचवून गेला !!!

दवांना ललाटी तुझ्या आसरा ...

दूर पाऊस कोसळून गेला ! !

माझ्या पावसाला विचारा तरी

कधी तो बरसेल वेड्याच्या दारी ??

चिर कोरुन ह्रिदयात गेला ..!!

दवांना ललाटी तुझ्या आसरा ...

दूर पाऊस कोसळून गेला !!!"
****

I'm reading: "दूर पाऊस कोसळून गेला"