हात माझे तंग होते !!(गझल)

हात माझे तंग होते !!(गझल)
*

फ़ुरसदीने तासलेले मरमरी मी अंग होते !
भोगण्याची भोगवस्तू!.....दो घडीचा संग होते !!

*

झुंबराच्या सप्तरंगी कवडश्यांवर भाळलेली...
गंजल्याने जो उडाला..तो कड्यांचा रंग होते !!

*

मैफ़िली जल्लोष होता, रात्र होती धुंदलेली....
मारताना येरझा-या, झिंगणारे दंग होते !!

*

नाव मोठे काम खोटे, माजलेले हे पुढारी...
पांढ-या झब्ब्यात त्यांचे झाकलेले व्यंग होते !!

*

आंधळीशी ज्ञायसंस्था...तोलते सत्यास येथे,
ना पुरावा! कायद्याची हारलेली जंग होते !!

*

पाश छोट्याशा मिठीचा, घट्ट होता..... सोडवेना!
जीवनाची ओढ नाही, हात माझे तंग होते !!

*

I'm reading: हात माझे तंग होते !!(गझल)