नव्हते कोणीच ऐकायला...

गात होतो मी त्या उंच टेकडीवर
नव्हते दूर वर कोणीच
होतो एकटाच मी आणि वारा
पण नव्हते कोणीच ऐकायला....

गात होतो मी त्या घनदाट जंगलात
भरपूर होते प्राणी , पक्षी
भाषा नव्हती समजत त्यांना
म्हणुन कोणीच नव्हते ऐकायला....

गात होतो मी त्या वाहत्या नदीवर
खळ-खळत होते पाणी
पाहत होतो मी दगड - गोटे
तेव्हा कोणीच नव्हते ऐकायला....

गाऊन गाऊन मी तर पार थकलो
मात्र शेवटी आता थाम्बलो
का गाऊ? कुणासाठी गाऊ?
कारण नव्हते कोणीच ऐकायला....