तमा कुणाची कशास बाळगावी
तडा गेलेल्या आरश्यातुनी सारी
विखुरलेली एकच प्रतीमा वेचावी ॥
सारेच करीती अटकाव नशेस
दुसरया चषकात मदिरा कुणी भरावी ?
एकट्या पडल्या स्वप्निल गावास
नवी पहाट कुठुनी आणावी ॥
गोठली नात्यांची वीण
माणसे सारी गर्दीस मिसळली
एकेक करुनी पांगले सारे
पत्त्यांची शहानिशा कुठे करावी ?
अर्थाच्या स्वार्थात बुडालेत सारे
जपल्या नात्याची जाण कुणास व्हावी
डोळा पट्टी बांधल्या गांधारीस
भविष्याची चुणुक कुणी दाखवावी ॥
आवेगाने सारेच थिजलेले
गर्दित ह्या ओल कुठे शोधावी
वाटेवरी पसरल्या मोगरकळ्या
कुणी कुंतली वेणी बांधावी ॥
0 टिप्पणी(ण्या):
टिप्पणी पोस्ट करा