बरसला रे पाऊस

शुक्रवार, २९ मे, २००९

झाले अंगणाशी तळे

प्रीत फुलात नहाता

गंध जमिनीचा कळे

तो-

तुझ्यासवे भिजताना विसरलो मी पाऊस

सरींवर सर पडे, नको एकटी जाऊस

ती -

आज अबोली बोलते, संगे बोलतो मोगरा

ओल्या ऋतुला गीतांचे आज चढवु साकडे

मनासवे नहातांना

गंध जमिनीचा कळे

ती -

ढग बोलतात सख्या, सांज लाजलेली गाली

ओठ नभाचे भिडता, क्षितिजाला आली लाली

तो -

तुझ्या गालांवर थेंब असे पडतात आज

मोती होऊन तयांचे आज झालेच सोहळे

मनासवे नहातांना

गंध जमिनीचा कळे

तो -

आज गुलाबाच्या गाली दवधुक्याचे नवल

चिंब पाकळी पाकळी, चिंब सखीचा पदर

ती -

बरसला गं पाऊस, भान हरवले माझे

चिंब झालेल्या मिठीशी मिठी सजणाची पडे

मनासवे नहातांना

गंध जमिनीचा कळे

मराठी कविता