पाऊस - नादमय - मराठी कविता

पाऊस - नादमय
टिप टिप टिप टिप कोसळता थेंब
ओलं ओलं ओलं ओलंतन होई चिंब

लखलख लखलख चमकते वीज
गुपचूप गुपचूप पाखरांची निज

गडगड गडगड घुमतोया नाद
चुपचाप चुपचाप चातकाची साद

गार गार गार गार झोंबू लागे वारा
एक एक एक एक वेचू चला गारा

झपझप झपझप चालतात पाय
हुळूहुळू हुळूहुळू पावलात होय

चमचम चमचम मोती तो पानात
नवं नवं नवथर गीत ते रानात

वेडं वेडं वेडं वेडं मन होई वेडं
स्वरस्वर स्वर नवा सतार ती छेड

भरभर भरभर उमटती ओळी
गात गात गात गात उभी येथे खुळी !!