तु पाउस अन मी रान होते

तु पाउस अन मी रान होते
जन्म आसवांसवे काढला मी

सोबतीस आठवणींचे रान होते

मनावरी जमले धुळिसम मृगजळ

खोट्या स्वप्नांचे ते दान होते

तु रात विझवलीस जरी माझी

डोळ्यातही माझ्या तुच होतास

तु लाख खोटे बोललास तरी

मी तुझ्याच गळ्याची आण होते

भेटल्या आजही अफवाच तुझ्या

तु समोरी आलाच नाहीस....

माझ्यासवे तु स्वप्नात होतास

तेव्हा भासांचेही मज भान होते

मेघ गहीरे गरजले जेव्हा

तुही बरसलास ओलेत्याने

सभोवती तनु उमलली तेव्हा

तु पाउस अन मी रान होते