कधीच नाही मला कळाले तुझे इशारे
कशास अंगी उधाण झाले तुझे इशारे
कधी कधी तु ढगात होती, मनात होती
नभात आणि सुरात होते तुझे इशारे
वसंत होता तुझ्या घराला सदाच राणी
तरी दुपारी उन्हात होते तुझे इशारे
जरा कविता म्हणुन गेलो तुझ्या पुढे मी
तुझ्या वाहवा मधेच होते, तुझे इशारे
तुझे हासणे नकोच आता कुणास देऊ
अश्या हासण्या मधेच आहे तुझे इशारे
आता जरी मी तुला स्मरावे कबुल नाही
जुन्या आठवांमधेच होते तुझे इशारे
0 टिप्पणी(ण्या):
टिप्पणी पोस्ट करा