हसतेस तु अन आकाशी रंग उडती
मग त्या तुझ्या डोळ्यांतुनी
ढग फुलती ..
असतो तुझ्या हास्यातुनी
का शहारा ?
हसतेस तु अन भोवती
रान डुलती
तु परी, तु अप्सरा, की सखी तु ?
माझ्या मनी का अजुनी प्रश्न पडती ?
....
होते कधी तु सांज ती पावसाळी
अन तु कधी,
तुझ्यातुनी नाहणारी
मी फक्त तो दिवाणा तुझा,
प्रेमवेडा..
अन तु अशी राणी नभांची
ग तारका..
हसताच तु होते पहाट क्षितिजाशी
अन अंगणाशी का फुले झरती ?
तु परी, तु अप्सरा, की सखी तु ?
माझ्या मनी का अजुनी प्रश्न पडती ?
0 टिप्पणी(ण्या):
टिप्पणी पोस्ट करा