नकोस कविते

नकोस कविते आता स्मरु मज

नकोच नुसते रंग भरु

नकोस येउस आता अंगणी

नको फुलांचे गंध बनु ॥धॄ॥

नको नको ते शब्द मलाही

नकोच आता गीत बनु

निळ्या नभांगी नकोच चमकुस

नको वीजेचे तीर बनु ॥१॥

नकोस कविते आता स्मरु मज

नकोच नुसते रंग भरु ..

आता कोणते रिक्त बहाणे

तुझ्या भोवती उरलेले

नकोस कविते सुर बनु तु

नकोच आता ताल बनु ॥२॥

नकोस कविते आता स्मरु मज

नकोच नुसते रंग भरु ..

नकोच आता पुन्हा बहकणे

नकोच आता प्रीत पुन्हा

नकोच कविते पुन्हा वार तो

नकोस पुन्हा जखम बनु ॥३॥

नकोस कविते आता स्मरु मज

नकोच नुसते रंग भरु ..

मराठी कविता