मुलींच आयुष्य म्हणजे काच.जपुन ठेवावी लागते.पण होते का असे?

मुलींच आयुष्य म्हणजे काच.जपुन ठेवावी लागते.पण होते का असे?

चिंचा बोरी,
वाटेवरल्या चिंचा बोरी,
तशा फाटक्यात भरल्या पोरी.
हातची फुटली पाटी,
चढली डोईवर ’पाटी’
सुटली साथ अ आ इ ई ची,
नकळत झाली आई भावंडांची.
तापला तवा चुलीवर,
चटके लहान्या मनावर !
दिसामाजी दिस सरत गेले.
फाटक्याची थिगळं वाढवत गेले.
कळलच नाही कधी कसं?
वयात मोहरणं असत कसं ?
भरल्या पिंडाला पाहुन,
कावळे जमती फिरुन.
फाटक्यात तरण्या पोरींची दशा,
वाटेवरल्या पिकल्या चिंचा बोरी जशा.