मला ग्रेस वाचायला आवडतो.

नाही खरच मी रडकी नाही
हताश निराश मुळीच नाही
लढणारी, झुंजणारी
पण मनाला बरं वाटावं
इतकंच रडणारी
नशिबाला चिडवणारी

सुन्न करणा-या शब्दात
मला नेमका आधार सापडतो
उदास वाटताच...
मला ग्रेस वाचायला आवडतो.

दुःखाला मग घेऊन फिरते पर्समध्ये
कधीही उघडून वाचण्यासाठी
आणि हसून सोडून देण्यासाठी
मलाही कळून चुकलय
दुःख मांडायच कवितेत
आणि कामाला लागायच
दुःखही म्हणत असेल मनात
हे प्रकरण जरा गूढच आहे