बदल

जग बदलत असतं
लोकं बदलत असतात
काळाचं चक्र फिरत असतं
मनातले विचार बदलत असतात

तो तलवार दगडावर रगडतो
ढाल घासून चमकवतो
चिल्खत स्वच्छ ठेवतो
हेच त्याचे मित्र असतात
लढाईत सोबत असतात
तो त्यांच्यावर प्रेम करतो
त्यांना जपतो, आदर देतो

नदीत उडी मारतो
स्नान करतो, अंग स्वच्छ ठेवतो
जखमांवर औषध लावतो
शरीरयंत्राची दुरूस्ती करतो

शरीरानंतर मनाकडे लक्ष देतो
विचारांवर काबू ठेवतो
चांगले विचार मनात ठेवतो
वाईट काढून टाकतो
मनाची बाग टाप - टीप ठेवतो
त्यात पाणी आणि खत पुरवतो

तो स्वत:कडे लक्ष देतो
सतत सुधारणा करतो
तो बदल स्विकारतो

I'm reading: बदल