जिंकीन जग सारं.....पण..

जिंकीन जग सारं
दांडगा विश्वास माझा
पेटून उठण्यासाठी
घाला घावावर घाव ताजा

जिंकीन जग सारं
उभा एकटा रणभूमीवर
मी छाती केली पुढे
त्यांनी हत्यार खुपसंलं पाठीवर

जिंकीन जग सारं
मी निडर निहत्यारा
गिळून सुर्याचा गोळा
मी ओकतो अंगारा

जिंकीन जग सारं
रक्तात भ्याड जमा नाही
मी सूर्यपुत्र कर्ण पौलादी
पांडवांचीही तमा नाही

जिंकीन जग सारं.....पण..
कोणी योद्धा भेटला नाही
योद्धा म्हणून मिरवणाऱ्यांनी
अजून तो शिखर गाठला नाही