बंधन (गझल)

बंधन (गझल)

मी एकटाच येथे माझ्या जगात आहे
झाला लिलाव माझा त्या बंधनात आहे

श्वासात वादळाच्या ऐसा जगून आलो
अद्याप शाप त्याचा जो स्पंदनात आहे

पाहून चंद्र आला प्रतिबिंब आठवांचे
तो मालकंस आता का पंचमात आहे

भेटीत मौन तैसे ताजेतवान होते
मी हाय आजही का तव आंदणात आहे

दे तू मलाच झोके प्रेमातले जरासे
वारा पसार व्हावा जो अंतरात आहे

गंधात केवड्याच्या वेणी सुकून गेली
स्पर्शात ती गुलाबी अन चांदरात आहे

....कविता