पाणी उन उन ......!!

भर डोळ्यात पाणी उन उन


भर डोळ्यात पाणी उन उन
वेदनेस लागली केवढी तहान
काळीज तुझे अजून कठीण
तरी मनी राहते कोण जपून

भर डोळ्यात पाणी उन उन
धागे पापणीचे जे झाले जून
कसे झाड तग राहते धरून
ओस धरतीत आभाळावाचून

भर डोळ्यात पाणी उन उन
कापरे हुंदके ठेव तू राखून
मागते नदीस अखंड हे दान
सागराचे सागरी दे उधाण

भर डोळ्यात पाणी उन उन
सामावल्या जखमा उरे खुण
नाही राहत काही सारेच लपून
सूर्य अंधारातही जळतो अजून

भर डोळ्यात पाणी उन उन
त्यागाचे स्वरूप एकदा धरून
जाणून घे आपलेच तू मन
माफ कर त्यास धीर धरून

भर डोळ्यात पाणी उन उन
झाले गेले आता जा विसरून
सुखाचे दुखाशी होईल मिलन
मांडवाखालून अश्रू ये ओघळून


भर डोळ्यात पाणी उन उन
भर डोळ्यात पाणी उन उन

I'm reading: पाणी उन उन ......!!