भावना (गझल )

भावना (गझल )

लिंपले भिंतीस होते दार मी
घेतली नाही कधी माघार मी

बांधले दुःखास पायी नाचण्या
पैंजणाचे मानले आभार मी

(पाकळ्या होत्या गुलाब मिठीतल्या)
ज्यास रक्ताची म्हणाले धार मी

जाग स्वातंत्र्यास नाही आजही
छेडली प्रीतीत होती तार मी

अंत विश्वाचा पहावा मी कसा ?
ब्रम्हरूपी आदि जो ओंकार मी

चांगले वाईट सारे जाहले
कोणता शोधू नवा आधार मी ?

का ?तुझ्यावाचून आल्या भावना
काळजावाचून झाले ठार मी

कविता