पिवळे तांबूस उन कोवळे

पिवळे तांबूस उन कोवळे पसरे चौफेर
ओढा नेई सोने वाटे वाहुनिया दूर.

झाडांनी किती मुकुट घातले डोकीस सोनेरी
कुरणांवर शेतात पसरला गुलाल चौफेरी!

हिरवे हिरवे गार शेत हे सुंदर साळीचे
झोके घेते कसे, चहुकडे हिरवे गालीचे!

सोनेरी, मखमली, रुपेरी, पंख कितीकांचे
रंग किती वर तर्‍हे तर्‍हेचे इन्द्र्धनुष्याचे.

अशी अचल फुलपांखरे फुले सालीस जणु फूलती
सालीव्र झोपली जणु का पाळण्यात झूलती.

झुलक्न, सुलक्न इकडून तीकडे किती दुसरी उडती !
हीरे, माणके, पांचू फुटुनी पंखची गरगराती !

पहा पांखरे चरोनी होती झाडावर गोळा .
कुठे बुडाला पलीकडील तो सोन्याचा गोळा?

- भा. रा. तांबे

I'm reading: पिवळे तांबूस उन कोवळे