***तो आजही तुझ्यावरच प्रेम करतोय***

आठवतो का तो वेडा मुलगा?
तुझ्याबरोबर क्लासमधे शिकायचा,
तू येण्याआधी गेटवर
वाट पहात बसायचा..
तुझ्यामागे नजर झुकवून
हळु हळु जिना चढायचा,
तुझ्या सँडलजवळ त्याची चप्पल
जरा चिटकवुनच काढायचा..
आठवतो का तो वेडा मुलगा?
बाईँचा खुप ओरडा खायचा
लक्ष कधी लागलंच नाही त्याचं
चोरुन फक्त तुलाच पहायचा..
आठवतो का तो वेडा मुलगा?
क्लास सुटल्यावर तुझ्या मागे यायचा
तुझ्याशी बोलण्याचा रोज
एक निष्फळ प्रयत्न करायचा..
हा तोच! तोच मुलगा!
तो आजही तुझ्यावरच प्रेम करतोय...