स्पर्श चांदणी ...

फितुर झाले जरी चांदणे
रात बोलते माझ्याशी
स्पर्शातुन ती उतरत येते
मुक्त हासते माझ्याशी

रात्रच आहे जरी सोबती
खरी सखी ती माझी गं
अंधारातुन जन्म घालते
किती किती नवलाई गं ?

कधी चांदणे कोमल होऊन
स्पर्शांतुन मज जाणवते
रातराणीचा गंध बनुनी
कधी रात मज बोलवते

रातच असते खरी सोबती
दिवसादेखील मजला गं
अंधाराची मला भिती ना
रातच सोबत मजला गं

मला आवडे स्पर्श चांदणी
अंगावरती फिरणारे
आईच्या मायेने हलके
गीत नव्याने गाणारे