थांग

षडजाच्या मनाचे थांग कोणाला कळावे रे
ऋषभाला कुणि सांगेल का कोठे न गावे रे

कधी उसन्या स्वरांची साथ येता गीतही बनते
कधी येथे तरसते गीत ज्याचे नाव व्हावे रे

कडीकुलपात त्यांनी ठेवले होते असे काही
सुगंधाने तरीही चोरुनी सारे कथावे रे

अशा अलवार वेळी काळजाचे शिंपता पाणी
कुठे यमकात होते चूक पण छंदा जुळावे रे

भले अगतिक ना झाले कधीही या जीवासाठी
जिवाचे होऊ दे काही जिवाला जीव द्यावे रे

पुरे झाले स्वरांगी आज गाणे मौन होऊ दे
मिळावे नाम कोणाला, कुणा काटे सलावे रे