रात्रीचा एक कोपरा

रात्रीचा एक कोपरा
पौर्णिमप्रकाशात भिजलेला
तुझ्या माझ्या मिलनासाठी
चांदण्याचा पडदा विणलेला ||

ये अशी मिठीत सजणे
प्रत्येक चांदण्याचे झुंबर व्हावे
तुझ्या खोल नजरेत मला
हरविलेले तारे गावसावे ||

चांदरस रात्रीवर कोसळावा
त्या आवेगाने शिर आलिंगनात
तुझ्या तनुचे करूनी कारंजे
हळूच ओघळुनी जा माझ्या शरीरात ||

होऊ दे मंद रात्रीस
विझु दे प्रत्येक तार्‍यास
आपूल्या मिलनाची चाहूल
लागू दे सार्‍या आसमंतास ||

तारा तारा तुला बिलगावा
प्रत्येक तारा मी ओठानी उचलावा
आपूल्या प्रणय उत्सवाचा
प्रकाशमयी सोहळा व्हावा ||

रात्र शरमुन लालसर व्हावी
पूर्वेस लाजेचा रक्तीमा पसरावा
उगवत्या सूर्यास ही तेव्हा
नभी तळपल्याचा पश्चाताप व्हावा ||

I'm reading: रात्रीचा एक कोपरा