सकाळ

सकाळ होते, तो उठतो
पाऊस थांबला असतो
तो उभा राहात नाही
तो चालायचं ठरवतो

चिल्खतावरचे डाग काढतो
अंगावरची घाण झटकतो
मेंदू पुसून स्वच्छ करतो
तो चालायचं ठरवतो

कुठे जायचं ते माहित नाही
परत चालता येत नाही
पण वीर थांबत नाहीत
म्हणून तो पण थांबत नाही
आकाशाकडे ध्येय मागतो
तो चालायचं ठरवतो

सुरवातीला थोडा लडखडतो
दिशा शोधतो, अंत शोधतो
अंताकडे जायचा रस्ता मांडतो
शेवटी तो चालायला लागतो

उत्साह परत येतो
आत्मविश्वास परत येतो
अभिमान परत येतो
तो एनिमसजचा वीर असतो
तो चालायला लागतो