... पण शब्दच होते

भले शब्द होते बुरे शब्द होते
संतांचे अभंग
अन् तमाशातली लावणी होते
कधी भक्तिरसाने ओथम्बलेले
तर विषयासक्त कधी होते.

भले शब्द होते बुरे शब्द होते
मनाचे श्लोक
अन् गीत-रामायण होते
कधी सज्जनांचे आचरण
तर अगतिकता सीतेची कधी होते

भले शब्द होते बुरे शब्द होते
ऊस्फुर्त काव्य
अन् सुरेल गीत होते
कधी कल्पनेपलिकडले
तर जुळवलेले यमक कधी होते

भले शब्द होते बुरे शब्द होते
श्रीमदभगवदगीता
अन् पुराणातले वेद होते
कधी ब्रम्हान्डदर्शन
तर युगांचे अत्याचार कधी होते

भले शब्द होते बुरे शब्द होते
जन्मो-जन्मीची गाठ
अन् जन्मान्तरही होते
कधी मंगलाष्टके
तर कधी तेराव्याचे विधी होते

भले शब्द होते बुरे शब्द होते
पण ...
शब्दच होते.

I'm reading: ... पण शब्दच होते