कवितेमध्ये जान असावी

कवितेमध्ये जान असावी
पण शब्दांना वजन नसावे
हलके फ़ुलके येता जाता
सहजासहजी काव्य सुचावे

संध्याकाळि थकल्यानंतर
कवितेसंगत गप्पा व्हाव्या
गरम कॉफ़ीच्या घोटासोबत
छान छान चारोळी चखाव्या

वेळ असावी फ़ूलपाखरू
हळूच भुर्रकन यावी जावी
खांद्यावर हुळहुळ करताना
खुदकन एक कविता निसटावी

साथ मुलायम संग सुरमयी
गंध मंद अन रंग सावळा
शब्दामध्ये मौन गोजिरे
मौनामध्ये शब्द कोवळा

चिमुट चिमुट चव हर शब्दाची
चाखुन चोखून मस्त टिपावी
अर्थ असो वा ना शब्दांना
पण कवितेला जान असावी

I'm reading: कवितेमध्ये जान असावी