सहारा

सहारा


तुला रोज येतो कधीही शहारा
किनारी जसा वाहतो श्वास खारा


अश्या पापणीच्या तुझ्या हालचाली
अता काळजाला कसा सांग थारा


हिमालय तुझ्यावाचुनी ढासळे हा
तुझ्या वाळवंटी मला दे सहारा


कसा सावरू मी? कसा आवरू मी ?
तुझ्या अंतरी हाय माझा पसारा


तुझे आणि माझे सखे काय नाते ?
म्हणू फास की बंधनांचा पहारा


दवाचीच होती फुले जाहलेली
मुक्याने कसा बोलतो स्पर्श सारा



...कविता

I'm reading: सहारा