वेदनेस (गझल)...

वेदनेस (गझल).....

गळे कापून शब्दांचे, लहू का आटले होते ?
जळाले काव्य माझे मी व्यथेला छाटले होते.........!!

बुडाला कालचा काळोख, त्याचे भास राहीले
सुने आभास ते ,डोळ्यात माझ्या साठले होते........!!

विकुनी आसवांना, हुंदके गेले उधारीला
असे दुखास बाजारात, आता थाटले होते ...........!!

सुखाची पांगळी मी, आंधळी दुखात जी झाले
परी डोळाभरुनी, यातनांनी गाठले होते..............!!

तरुनी यातना साऱ्या, तळाशी साचले आहे
मुक्या त्या वेदनांनीही, अशी मी बाटले होते .........!!

......कविता

वृत्त :वियदगंगा