जगावे कशाला...??(गझल)

जगावे कशाला...??(गझल)


हसावे कशाला रडावे कशाला ?
असेही तसेही जगावे कशाला ?


उभा जन्म माझा चितेने जळाला
स्मशानात पुन्हा सजावे कशाला ?


सुखाचा सुखाला कसा दंश झाला ?
अशा वेदनांना जपावे कशाला ?


इथे थोर झाला तिथे चोर झाला
तरी सोंग घेण्या नटावे कशाला ?


खरे सांग देवा कुठे देव आहे ?
तुझ्या देवळांनी लढावे कशाला ?


क्षणाचीच माझी तुझी भेट झाली
कसे रे कसे मी उरावे कशाला ?


विझूनी निखारा खुप वेळ झाला
तुझे भास खोटे ठरावे कशाला ?


.....कविता

I'm reading: जगावे कशाला...??(गझल)