पायवाट

पायवाट

उदास उदास वाटा ---तुझा दोष नाही
बंबाळलेला काटा ---तुझा दोष नाही
सोडली साथ पावलाने गावात तुझ्या
चाललो मी एकटा ---तुझा दोष नाही

रंगीत सावल्यांची झुलणारी कमान
गंध वेदनांचा चाले श्वासात बेभान
कातरवेळ हालते ग नावात तुझ्या
भास तुझा खोटा ---तुझा दोष नाही

वादळे तुझी किनारा घेवून येतात
सागरावाचून धरणी ठेवून जातात
ओल उणिवांची असे घावात तुझ्या
परतात लाटा ---तुझा दोष नाही

बदलून गेले येथून कित्येक ऋतू
ओलांडून तुझ्या माझ्यातले सेतू
वाटले जाहले बदल डावात तुझ्या
पण रस्त्यास फुटला नवीन फाटा ---तुझा दोष नाही

.....कविता