Feeds RSS
लाभले अम्हास भाग्य बोलतो मराठी । जाहलो खरेच धन्य ऐकतो मराठी ॥ धर्म, पंथ, जात एक जाणतो मराठी । एवढ्या जगात माय मानतो मराठी ॥

रविवार, २ जानेवारी, २०११

माझ्या मराठीत

Share

माझ्या मराठीत


आहे माझ्या मराठीत
मर्दानी रांगडा बाणा
पिकापिकात डोलतो
धर्म शौर्याचा दाणा

आहे माझ्या मराठीत
उत्तुंग कला वारसा
मातीमध्ये उमटतो
जसा मातीचाच ठसा

आहे माझ्या मराठीत
संताची रे मांदियाळी
विठ्ठल विठ्ठल नाद
आणि एकतेची टाळी

आहे माझ्या मराठीत
जन्मलेला शिवराया
जाणली रक्ताने तेव्हा
स्वाभिमानाची काया

आहे माझ्या मराठीत
साहित्य विज्ञान ज्ञान
अनमोल हिऱ्याची जी
असे बहुमोल खाण

आहे माझ्या मराठीत
रम्य निसर्ग सोहळा
दरीदरी ओवतसे
एकेक नक्षत्र माळा

आहे माझ्या मराठीत
आमचे मराठीपण
श्वासात घुमे वादळ
वादळात गाजे रण

आहे माझ्या मराठीत
साऱ्या मायेचे शिखर
सांभाळते लेकरासी
माय भवानी थोर


....कविता

२:२७:०० AM | ·÷±‡±Sumit±‡±÷·
लेबल: कविता , मराठी कविता , Marathi Kavita , Marathi poem

0 टिप्पणी(ण्या):

टिप्पणी पोस्ट करा

याची सदस्यत्व घ्या: टिप्पणी पोस्ट करा (Atom)
Related Posts Plugin for WordPress, Blogger...

आता लिहा मराठीत

सुचना
ह्या कविता विविध माध्यमातून घेतल्या आहेत .
जर या मधील कोणाची कविता असेल तर आपले पूर्ण नाव टिप्पणी मध्ये सोडावे .
back to top