सोडून गेलास तू
आता एकटीच राहिले
.
.
ना कोणाची मी
ना कोण माझे आहे
आठवणीत राहणारी
फक्त माझीच मी आहे
स्वप्न नेहमी तुझेच पाहिले
तुटली स्वप्न सारी
आता वास्तव्यच राहिले
.
.
ना स्वप्नांची मी
ना स्वप्न माझे आहे
आजच्यात जगणारी
फक्त माझीच मी आहे
प्रेमात तुझ्या काव्य रचले
सुटली साथ तुझी
आता शब्दच राहिले
.
.
आहे शब्दांची मी
अन शब्द माझे आहे
शब्दांमध्ये रमणारी
फक्त माझीच मी आहे
0 टिप्पणी(ण्या):
टिप्पणी पोस्ट करा