प्रित....
सांग सखे सांग तू
प्रित माझी होशील का
बंध तोडून जातिचे तू
माझ्यासंगे येशील का
आड आली नाती तुझी तू
नाती सारी सोडशील का
नावापुढे नाव तुझ्या मांझ तू
जोड्शील का
सांग सखे सांग तू
प्रित माझी होशील का
फ़ुलावानी जपून ठेवीन
ह्रुद्य़ाच्या गाभार्यात
झाड होऊन सावली देइन
कडकड्त्या उन्हात
आली वादळं तरी
मी वणवा नाही पेटू देणार
उडाली धूळ तरी
अश्रू नाही वाहू देणार
हात हाती घेऊन तू
साथ मला देशील का
भांगामध्ये कुंकू माझ्या
नावाचं तू भरशील का
सांग सखे सांग तू
प्रित माझी होशील का
0 टिप्पणी(ण्या):
टिप्पणी पोस्ट करा