दरवाजा..

दरवाजा..


दरवाजा..
तीन उभ्या फ़ळकुटांना
खिळ्यांनी ठोकलेली
तीन आडवी फ़ळकुटं..

एका बाजूला कोयंडा आणि
एका बाजूला बिजागर्या
झाला दरवाजा तयार..

स्वत:ला बंद करण्यासाठी..

उभी फ़ळकुटं..
स्वार्थ, प्रतिष्ठा, लोभ
आणि त्यांना बांधणारी
आडवी फ़ळकुटं..
गरजा,गर्व आणि तुलना

या फ़ळकुटांमध्ये शिल्लक राहिलेले
झरोके म्हणजे मैत्री, प्रेम, माणूसकी..
आणि यातूनच माणूस थोडासा डोकावत राहतो…

I'm reading: दरवाजा..