साद..!

आठवणींनी तुझ्या साजणी .. र्‍ह्दयाला ग पीळ पडे..
कशी ऐकीशी साद सखे परि.. मी इकडे अन तू तिकडे

हे गडद जांभळे मेघ होउनी.. वाटे यावे तव अंगणी..
रातराणीचा सुवास होउन.. मी गंधावे तव सदनी..
सागरास नदी मिळे कशी ग.. रिती- नीती चे बांध खडे
कशी ऐकीशी साद सखे परि... || १ ||


मेघ वृक्ष अन पान फुले.. अवखळ निर्झर उंच कडे..
चंद्र-चांदण्या हे वारे.. मज भास दाविती तुझे गडे..
शोधि तुजला जीव खुळा ग.. होउन पक्षी चोहिकडे
कशी ऐकीशी साद सखे परि... || २ ||



आज जरि तु दूर असे.. प्रिया न माझी मला दिसे..
ऐलतीरी मी उभा साजणी.. मनी प्रितिचे गीत वसे..
ओठावरचे भाव तराणे.. सूर होउनि कानी पडे
अशी ऐकीशी साद सखे.. जरि मी इकडे अन.. तू तिकडे..
मी इकडे अन... तू तिकडे.... || ३ ||

I'm reading: साद..!