थबकलेल्या श्वांसाची ती शेवटची मोजणी चालली

आयुष्य तेच आहे
बागडता यायला हवं
नशीब आपल्या हाती नसलं
तरी उडता यायला हवं

शेवटी आयुष्य तेच आहे
तुझ्यासाठी पोळले हात होते
काही थेंबही का मग
तुझ्या डोळ्यातल्या ढगात नव्हते

शेवटी आयुष्य तेच आहे
रोज भरारी घेतो मी नवी
कधीतरी ह्या बोडक्या झाडाला
फुटेल एक कोवळी पालवी

शेवटी आयुष्य तेच आहे
कुठवर मी हा गाडा ओढणार
एकएक करत शेवटी
चाक निखळून पडनार

शेवटी आयुष्य तेच आहे
मी आवरतोय माझाच पसारा
चला गड्यांनो निघतो आता
संपला श्वासांचा खेळ सारा

शेवटी आयुष्य तेच आहे
देहाची भाजणी चाललीय
थबकलेल्या श्वांसाची ती
शेवटची मोजणी चाललीय