आपण परत तिथेच भेटायचं

आपण परत तिथेच भेटायचं .....``

शेवटचा निरोप घेऊ नकोस,

फक्त "परत भेटू" म्हण..

कारण सखे..

आपण परत तिथेच भेटायचं ..

रोजंदारी शिकवत रहाते,

जगण्याचे नवे बहाणे..

अनेक शिड्या , अन अनेक घोडे,

वर नेऊ पहाणारे...

जीव तोडून आता एकदा

आभाळाला भिडायचं

कारण सखे..

आपण परत तिथेच भेटायचं..

मी धूळ .. तू ही धूळ

शेवट नशीबी असते माती ..

का उगाचच मोडावी

तुझी नि माझी अक्षय मैत्री...

कधीतरी सोडून सारे ..

पूर्ण नभ व्यापायचं..

आपण परत.... तिथेच भेटायचं...