लवकर दे गं उत्तर...

कॊलेजचे गेट। झाली तेथे भेट।
घुसलीस मनात थेट। देशील का मला डेट ?

मी रोगी तु दवा। तु फुगा मी हवा।
तु चुल मी तवा। सांग तुला मी हवा ?

तु तपकिर मी चिमुट। तु साडी मी सुट।
मी मोजा तु बुट। जमेल मेतकुट ?

तु धाप मी छाती। मी शनी तु साडेसाती।
मी भुत तु भानामती। जुळतील का नाती ?

मी पेट्रोल तु गाडी। मी गवत तु काडी।
मी विचार तु नाडी। जमेल का जोडी ?

मी वरवंटा तु पाटा। तु संगणक मी डाटा।
तु टेल्को मी टाटा। होतील एक वाटा ?

तु वाजंत्री मी ताशा। तु मिठाई मी माशा।
तु बोली मी भाषा। ठेवु का मी आशा ?

मी पाणी तु घागर। मी चहा तु साखर।
जोडा जमेल का सत्वर ? लवकर दे गं उत्तर...