निःशब्द प्रेम

निःस्तब्धता
वर एक पान ही हलत नाही....
पाणीही शांत निजलेलं,उसळायचं ही विसरलेलं....
पाखरंही घरट्यां मध्ये निरागसपणे निजलेली...
नभात मात्र चांदण्यांची चावट कुजबुज् रंगलेली.

अश्याच रम्य क्षणी....
तुझी मिठी अजून अतृप्तता वाढवतेय,
आणि मी कणाकणाने जणु,तुझ्या मध्ये विरघळतेय.....

कंपित ओठांना माझ्या,तुझ्या ओठांचा आधार दे....
मोकळ्या माझ्या केसांमधून,
तुझा हात असाच् खेळू दे.....
तुझ्या राकट मिठी मधे आपण कायमचे एक होऊ...

निःशब्द या रात्रीत फक्त....
तुझ्या डोळ्यांतील बाहुल्यांना बोलू दे!!
फ़क्त बाहुल्यांनाच बोलू दे !!!