ठरवलं होतं खूप काही

अनेक संकल्प केले होते
मन होते भारावलेले.....
पण हातातून उडून जाताना
त्यांनी अनेक रंग मागे ठेवले

फुलपाखरा सारखं स्वच्छंदी आयुष्य
कधी जगता येत का?
सगळ्यांसोबत चालताना
एकट्यासाठी कधी जगता येतं का?

अळवावरचा एक थेंब
म्हणजे आपलं जगणं असतं
पानाचा आधार असला तरी
पानाचं आणि थेंबाच
कधिच पटत नसतं

आयुष्यात मागे वळून बघतांना
मन होतं हळ्वं
आठवतात मग या पायान्नी
कधीच न स्पर्शिलेलि गावं

आपण काही ठरवण्याआधी
नियतीनेच ठरवलेलं असतं सगळंकाही
आपण फक्त म्हणायचं असतं
ठरवलं होतं खूप काही...