चारोळी

सावली मिळते तेंव्हा जाणवत ,
उन्हाची काय तलखी असते ,
तुफान गर्दीतही जाणवत ,
की आपली एकांडीच एक पालखी असते .

******************************

कुणी एकाकी ना निघून जावे
येईल त्याला सोबत न्यावे
उन्हात ही, चालेल रस्ता पुढे
आपण त्याच्या पाठी चालावे

******************************

चालता चालता अडखळलो
यात मला दोष कशाला ?
जाणतो, कुणी पेरले दगड रस्त्यात
आपल्याच माणसावर रोष कशाला ?

******************************

येईल त्याला सोबत घेणे,
मनाला काही पटत नाही ,
अनामिक भीतीचा पगडा ,
काही केल्या सुटत नाही...

******************************

अग एकटी गेलीस तर
ख़रच एकटी पडशील
एकांतात कुणाच्या खांद्यावर
डोकं ठेवून रडशील ?

******************************

पावल नेहमी जपून टाकावी,
ठेच लागली ,तर शहाणा व्हाव ,
दिसत नसेल रस्ता साफ़ ,
तर चश्मा पुसून पहाण व्हाव .....

******************************

रस्ता पाहनं होतच नाही
तू समोर दिसलीस की
चश्मा पुसनं होतच नाही
तू सोबत बसलीस की

******************************

तू समोर असली की तूझी
आठवन काढत बसतो
तू दूर गेलीस की तुझ्या
आठवणी साठवत बसतो

******************************

एखादा पदार्थ बिघडला ,
की दुरुस्त नाही करता येत,
अगदी जिवलग मैत्रिनिनी केला असेल तरी,
डोले मिटून फस्त नाही करता येत...!!

******************************

सगली सुखं
तिच्याबरोबर वाटून घेइन
विष जरी दिले मला
ते ही डोळे मिटून घेइन

******************************

विष पचवलस,तर नीलकंठ होशील,
आवडेल का ते तिला ?
शोभून दिसेल का रे ते
तिच्या गोर्या रंगाला ?

******************************

I'm reading: चारोळी